Ferhenga edebîyata kurdî ya klasîk – Erdogan Alparslan
Klasik Kürd. edebiyatı sözlüğü
Diyarbakır-2021
PÊŞGOTIN
Kurdî nemaze kurmancî ji ber zextên salan pêşketina xwe di nîvî da hîştiye.
Lê di wan salên dawî da astengîyên pêşîya zimanê kurdî hêdî hêdî hatin rakirin. Ev jî
ji bo pêşketina kurdî nemaze ji bo kurmancî derfeteke mezin e. Di Tirkîyeyê da
rakirina qedexeyên li dijî kurdî û di zanîngehan da vekirina beşên kurdî li Tirkîyeyê
da ji bo kurdî derfeteke bêhempa derxistiye meydanê. Piştî van hewldanan gelek
xebatên akademîk bi zimanê kurdî hatin kirin. Me jî xwest ku di vê deryaya bêbinî
û bêserî da dilopek keda me jî hebe. Heta niha di kurdî da gelek ferheng hatine
çêkirin. Ferhengên têgehî, tenduristî, çandinî, felsefefî û ferhengên kurdî yên
birêkûpêk û du zimanê û sê zimanê hatine çêkirin lê ferhengeke bi kurdî-kurdî ya
edebîyata klasîk heta niha nehatiye çêkirin û xebateke wisa nebûye mijara tezeke
akademîk. Ev xebat dixwaze di vî warî da kêmasîyekî telafî bike. Dixwazim ev
nêrîta bi Nûbihara Biçûkan ve dest pê kiriye wek tradîsyonekî dewam bike. Bila
nifşên nû ji çêja klasîkan bêpar nebînin. Bi saya vê ferhengê nifşên nûyê bi hêsanî
klasîkên edebîyata me fam bikin û peywendîyên xwe ji rabirdîya xwe ve qut nekin.
Netewe li ser binyata rabirdûyê ve tê avakirin. Heger peywendîya nifşên nû
rabirdûya wan qut bibe vê gavê neteweyê têk here. Em kurd neteweyeke derengmayî
ne û me sazkirina xwe hêj pêk neanîye ji ber vê edebîyata me ji bo sazkirina
neteweyê roleke mezin dilîze. Em ê jî ji bo vê hewldanê helqeyekî bavêjin vê zîncîra
bi dengan hatiye ristîn da. Di serî da spasîya xwe ji şêwirmendê xwe birêz Dr. Faruk
Kazan ra dikim di vê pêvajoya zor û zehmet da ji me ra bi pêşnîyazên xwe yê hêja rê
nîşanî me da wî . Dîsa serokê beşê birêz Doç. Dr. Osman Aslanoğlu ra jî spas dikim
ji bo alîkarî û pêşnîyazên wî. Ev fikra ferhengê hevala min a masterê Zeynep
Şemdinoğlu da min li vir spasîya xwe pêşkeşî wê dikim. Ji bo alîkarîyên wan spasîya
xwe ji hevalên xwe yên masterê Semra Güçlü, İnan Eroğlu û Yusuf Dere ra pêşkeş
dikim.
ferhenga edebîyata kurdî ya klasîk; erdoğan alparslan Ensiklopediyakurdi.comDi rûpela din de vekin:
