KONFERANSA KURDÊN QEFQASYAYÊ – II
li bajarê Tiblîsê were lidarxistin
Di 19ê Cotmeha 2025an de duyemîn konferansa Kurdên Qefqasyayê li bajarê Tiblîsî yê Gurcistanê tê lidarxistin.
Navê Konferansê wiha ye: ROLA KURDÊN QEFQASYAYÊ DI PROSEYA NETEWSAZIYÊ DE.
Yekemîn Konferansa Kurdên Qefqasyayê par di 15-16ê Tebaxa 2024an de li bajarê Tiblîsê bi sernavê “Kurden Qefqasyayê: Perspektifên Neteweyi” hatibû lidarxistin.
Tê payîn ku zêdetirî 60 mêvan ji nêzikî 20 welatan (Ji her aliyên Kurdistanê, her wiha Îraq, Îran, Sûriye, Tirkiye, Azerbaycan, Ermenistan, Qazaxistan, Qirgizistan, Ozbekistan, Rûsya, Almanya, Hollanda, Fransa, Îngîltere, Belçîka, Kanada, Îsraîl û hwd.) beşdarî konferansa zanistî û pratîkî ya îsal bibin.
Di konferansê de mijara sereke dê PÊVAJOYA NETEWBÛNA KURDAN be. Gotûbêj dê bi awayekî cuda li ser pêşketin û pêvajoyên netewebûnê yên li her çar aliyên Kurdistanê werin kirin. Wekî din, dê li ser pêvajoyên siyasî û civakî yên li Qefqasyayê, û nirxên ku ji hêla kurdên Qefqasyayê ve di pêvajoya netewebûnê de hatine afirandin, werin nîqaş kirin.
Her wiha li ser pêvajoyên netewebûnê yên cihûyan û neteweyên din, û rola jin, ciwan, ziman û çapemeniyê di proseya netewebûnê de jî bibe mijara niqaşan.
Asta bicîhanîna pêşniyarên ku di konferansa sala borî de hatine kirin jî dê di konferansê de were nîqaşkirin.
Dê zêdetirî 15 gotarên esasî hebin, û piraniya gotaran dê ji akademîsyenan bin.
Di konferansa sala borî de, biryar hatibû girtin ku “Konferansên Qefqasyayê” bibin kevneşopiyek. Her wiha biryar hatibû dayîn ku materyalên konferansê bi şêweyê pirtûkê werin weşandin.
Îsal, pirtûkek 250 rûpelî ku materyalên ji Konferansa Qefqasayê ya 2024an dihewîne, dê pêşkêşî beşdarên konferansê were kirin.
Piştî konferansê serdanek bo Tibilîsê û konserek mini ya taybet tê plankirin.
Post Views: 96
